Lýsing
Lýsing
Eitt sindur av vindi í morgin (leygardag) úr landsynningi. Minkandi sunnudagin. | Mynd: photorator.com

Veðrið í vikuskiftinum

SKRIVAÐ: Hanus Kjølbro  |  04.10.2019 - 14:22 Tíðindi Veðrið

Veðrið seinastu dagarnar hevur verið støðugt. Eitt hátrýst yvir Norðurnoregi hevur hildið lágtrýst við ringum veðri burtur frá Føroyum, men tað orkar ikki meiri enn í dag og í kvøld afturat.

Í morgin nærkast lágtrýst okkum vestaneftir við vindi og regni. Tað er í skrivandi løtu statt ein landsynning úr Kappanum. Trýstið í miðjuni er heilt niðri á 952hPa – so kring miðjuna er sera nógvur vindur.

Hetta djúpa lágtrýst fer ikki at koma nærri okkum, tað fer at doyggja út í sama stað sunnudagin, men nakað av vindi fer at vera her í morgin.

Meira ítøkiligt, so er eysturætt í dag, vindferðin 5 til 10 m/s kring alt landið. Tað er somuleiðis turt, og hitin liggur um 9-10 stig. Seint í kvøld fer ættin niður ímóti landsynningi-eystri.

Í nátt og morgin ári (leygardag) fer ættin niður í landsynning, og vindferð fer at veksa upp í 10 til 15 m/s. Seinnapartin veksur vindurin upp í 13 til 18 m/s úr somu ætt, landsynningi. Tað verður turt allan leygardagin, skýggjað og í støðum sólglottar. Hitin fer at liggja um tey 10 stigini.

Sunnunátt og sunnumorgun fer eitt samanrunnið brúgvalag við regni fram við Føroyum. Tað fer at geva okkum regn um morgunin og fyrrapartin. Seinnapartin verður turt. Allan dagin landsynningur ella landsynningur-sunnan, 10 til 15 m/s. Skýggjað, og hitin fer at liggja um 10 stig.

Gott vikuskifti.

 

Lýsing
Seinastu tíðindini
Nú kunnu allar okkara persónsupplýs­ingar…
Beinleiðis vínsmakking online fyri øll,…
Ovurstórur tørvur er á fleiri námsfrøðin…
Hjálp okkum at finna atkomuligar matstov…
Lands­stýris­maðu­rin svarar fyrispurningi…
Telving á Norð­oyastevnu
Klaksvíkar Dartfelag á Norð­oyastevnu
Norð­oyastevnublaðið kemur fríggja­dagin
Norðoya Javnaðar­felag aðalfund
Virtual FIshExpo - vit siktaðu høgt, men…
Sjáldsamur gestur á Vágni
Færøerne findes faktisk, Mette!
Broyting í innsavning­ini hjá IRF
Løgreglan ger ikki meira við málið um sk…
Kvikk afturkomin undan Íslandi
Franskur trolari landar til Kósina
KÍ gav AB bank á Argjum
Nýggj og størri nevnd í ADHD-felagnum 
Listaframsýning við Silju Strøm í Gamla…
Nú sprettir á fold og spírar..