Dómarin Eiler Rasmussen tók avgerð um at avlýsa dystin í Sarpugerði, áðrenn tey flestu KÍ viðhaldsfólkini vóru farin frá húsum. KÍ-venjarin Mikkjal K. Thomassen heldur, at hetta er ein skilagóð avgerð.

- Tað er eftir okkara tykki ein skilagóð avgerð at útseta dagsins dyst, tí tað eru ikki líkindi til at spæla. Vit hava verið til upphiting og har var ov nógvur vindur. Tað tænir fótbóltsspælinum best, ikki minst tá talan er um so týdningarmiklan dyst, at spælt verður, tá líkindi eru til tað, sigur KÍ venjarin, Mikkjal K. Thomassen úr Sarpugerði.

Enn er ógreitt, nær dysturin verður leiktur. Men við at hyggja eftir veðurforsøgnunum, so er ikki sannlíkt, at tað verður áðrenn landsdystirnar í komandi viku.