Spenningur til síðsta bríks
Tað var spenningur fyri allar pengarnar, tá Stjørnan ídag vann á greipuvinnarunum úr Kyndil
Við eini sera vælleikandi Raluku í málinum og eini væl skipað verju, gjørdu tað ógvuliga trupult hjá Kyndil at fáa mál. Tá 20 min. vóru leiktir, var støðan 6-4 til Stjørnuna. Tað sum eftir vær av hálvleikinum, siftust liðini um skora. Hálvleiksstøðan var 8-7 til heimaliðið.
Fryktandi var, at orkan fór at ganga undan hjá Stjørnuni, sum seinni hálvleikur leið, men soleiðis varð ikki. Tær stríddust væl, og blivu við at trúgva uppá, at tað skuldi eydnast at koppa greipuvinnarunum. Sum tíðin gekk, virkaðu kyndlaleikarnir meira og meira ráðaleysir. Eitt av vørumerkjunum hjá teimum er skjótáloð, men tað fingu tær ongantíð rættiliga gongd á í dag.
Sum seinni hálvleikur leið, lúrdi sensatiónin, og spenningurin var stórur. Tá leiktir vóru 28 min. var javnleikur 16-16, men næstu løtuna eydnaðist Stjørnuni av fáa tvey mál, og so var dysturin avgjørdur. Kyndil fekk minkað um munin til eitt mál við máli í seinastu sekundunum. Endaliga úrslitið gjørdist 18-17 til Stjørnuna.
Frøðin á heimaliðnum og viðhaldsfólki teirra var stór eftir dystin.
Málini hjá Stjørnuni skutu: Katrin 6, Sonja 4, Tóra 4, Mina 2, Jstrid og Anna 1 mál hvørj