Hagtøl: KÍ kvinnunar fingið betri byrjan enn undanfarin ár
Í morgin skulu tær til Havnar at møta HB í Gundadali. Hetta verður av sonnum ein toppdystur, tí bæði liðini hava eins nógv stig, nú næstseinasti dystur í fyrsta triðjingi verður spældur. Vit hava hugt eitt sindur upp á tølini nú 4 rundur eru spældar.
Kvinnukappingin hevur verið fyri eitt sindur av tillagingum gjøgnum árini, og tí er ikki altíð eins lætt at samanbera langt aftur í tíð. Seinastu árini hava liðini spælt grundspæl og síðani farin víðari í eitt endaspæl, har ovaru liðini fara í ein FM bólk og niðari liðini fara í ein B-bólk.
Í 2019 vóru bara 5 lið í deildini, og tað merkti, at eitt lið sæt yvir í hvørjum umfari, meðan hini 4 liðini spældu.
Tí hava vit við statistikkinum hugt aftur til og við 2020.
Talvan niðanfyri vísur hvussu hevur gingi árini frá 2020 til 2026.
| Ár | Dystir | Vunnin mál | Tapt mál | Málmunur +/- | Stig |
| 2026 | 4 | 26 | 0 | 26 | 12 |
| 2025 | 4 | 20 | 2 | 18 | 9 |
| 2024 | 4 | 9 | 3 | 6 | 10 |
| 2023 | 4 | 23 | 2 | 21 | 12 |
| 2022 | 4 | 9 | 3 | 6 | 12 |
| 2021 | 4 | 4 | 1 | 3 | 8 |
| 2020 | 4 | 8 | 2 | 6 | 12 |
Sum yvirlitið vísur, so er tað ongantíð hent hesi seinastu 7 árini, at tað eru skorðaði so nógv mál sum í ár, heldur ongantíð hevur liðið klára at hildið cleansheet í teimum fyrstu 4 rundunum og tískil er málmunurin eisini tann hægsti eftir 4 umfør. Tó hava KÍ kvinnurnar havt fult stigatal tríggjar ferðir áður í 2023, 2022 og 2020.
KÍ kvinnurnar skulu í eldin aftur í morgin, tá ið toppdystur er í Gundadali.