Lýsing

Dizzy Mizz Lizzy á Okkara Voxbotn 2020

SKRIVAÐ: Tíðindaskriv  |  08.11.2019 - 14:41 Mentan Tíðindaskriv

Gleð teg til ársins konsertdag 27. juni, tí tá verður eitt satt rokkbrak á Vágsbotni. Navnframu Dizzy Mizz Lizzy trína á pallin fyri fyrstu ferð í Havn. 

Danska rokktrioin, sum legði ríkið fyri sínar føtur í 90unum, eigur eitt heilt serligt pláss í hjartanum á mongum føroyingi. Trioin gav út plátuna Dizzy Mizz Lizzy í 1994, og hon streyk upp á tónleikatindarnar alt fyri eitt. Útgávan varð tiltikin, tí hon var á tremur við hittum. Danskur tónleikur hevði brádliga fingið eitt nýtt, rátt og melodiskt útrykk, sum øll tóku til sín. Dizzy Mizz Lizzy var uttan iva heitasta navnið á øllum festivalum í ríkinum miðskeiðis í 90unum. 

Waterline, Silverflame, Barbedwired Baby´s Dream og Love Is a Loser´s Game eru bara nøkur av hittunum av fyrstu útgávu Dizzy Mizz Lizzys.

Bólkurin gav út útgávuna Rotator í 1996, og eisini hon stóð seg ómetaliga væl. Bólkurin gjørdist eisini sera væl umtóktur í Asiu, og spældi hópin av sera væleydnaðum konsertum har. Í 1998 gjørdu teir tríggjir Tim Christensen, Martin Nielsen og Søren Friis av at fara hvør til sítt. Bólkurin var kvirrur til 2010, tá teir aftur spældu eina konsertferð saman. Nú tendraði í aftur, og í 2014 varð kunngjørt at bólkurin nú aftur var virkin. 

 

Og nú eru teir ávegis Føroyum.  

Fólkini handan Okkara Voxbotn gleðast um, at hava fingið Dizzy Mizz Lizzy til Føroya, og lova at enn fleiri spennandi tónleikanøvn eru í væntu til Okkara Voxbotn, sum verður tann 27. juni. Forsølan gongur við fúkandi ferð, og aftur í ár verður roknað við at Voxbotn verður útselt áðrenn jól. 

Atgongumerki fáast í forsølu fyri kr. 650,- í Power í SMS, Fast-handlunum kring landið, Kunningarstovuni í Steinatúni og á ebillett.fo. 

Lýsing
Seinastu tíðindini
Hygg her: Saman í tryggari frástøðu
(Ársúrslit) KÍ hevði nógv størst yvirsko…
Beinleiðis stroyming kl. 21
Egnarar fáa einki
Corona órættvísi: Góðan dag harra Løgmað…
Um Skálanes í Herjaskor
Manning frá Brimli niðri á Reynsmúla
181 føroyingar fingið staðfest smittuna
(Korana-kreppa) Útróðrarbátar­nir eru giv…
Løgtings­fundur í morgin
Hjálparpakki 2 lagdur fram
Fólka­pensjonistar sjúkradagpening og ísk…
Byrja við Føroya Løgtingi
Nótaskip stuðla verkætlan­ina hjá Pál Wei…
MEST gjørt sáttmála við MINESTO í samban…
Nú mugu vit halda fast
Bakkafrost: Frágreiðing frá nevndarforma…
Lands­stýrið kann køva sunnar fyritøkur
Brimil á venjingarferð á Borðoyarvík
Yvirlitstroling á føroyska landgrunni­num…