Klaksvíkar Handilsfelag klárt til jólasøluna
Á limafundi hjá Klaksvíkar Handilsfelag í morgun, varđ jólasølan til viđgerđar. Nýggjur samskipari skal sjónliggera limirnar enn meira
Klaksvíkar Handilsfelag hevur limafund nakrar ferðir um árið. Í morgun var fundur á Norðlýsinum har umboð fyri teir 28 limirnar í Klaksvíkar Handilsfelag luttóku. Tað serliga á skránni í dag var at nevndin í Klaksvíkar Handilsfelag hevur sett ein samskipara, at fjølga um handilslívið í Klaksvík.
Annika S. Biskopstø er nýggjur samskipari og hennara uppgáva er at gera limirnar í Klaksvíkar Handilsfelag enn meira sjónligar fyri viðskiftafólk og kundar. Annika greiddi frá við eldhuga frá hennara ætlanum og vit fara at leggja merki til frambrot fyrsta dagin. Black Friday verður næsta fríggjadag og Tunnilsdagur verður leygardagin 7. desember. Annika er í gongd við at menna konseptir, ið ymsu handlarnir fara at føla ágóðan av.
Klaksvíkar Handilsfelag hevur fyri nøkrum árum síðan ment eitt gávukort, ið fólk kunnu nýta at keypa í felagsskapinum. Ivast fólk hvat tey skulu keypa í jólagávu, er gavukortið hjá Klaksvíkar Handilsfelag sera hent.