Í drúgvari grein í Norðlýsinum hesa vikuna verður ljós varpa á, at fleiri av stóru vinnufyritøkunum í Føroyum hava sett orð á teirra samfelagsábyrgd. Hetta er eitt nú galdandi fyri Articon, Skansi Offshore, Føroya Tele, Effo, Magn, BankNordik, Betri, JFK, Hidden Fjord og Bakkafrost. Eisini hevur ferðavinnan umvegis Visit Faroe Islands í nýggju strategisku vakstrarætlan síni lagt dent á, at ferðavinnan skal vera ein burðardygg vinna. Almenna bústaðarfelagið Bústaðir hevur í seinastu ársfrágreiðing síni eisini tikið Heimsmálini til sín.

Almenna bústaðarfelagið Bústaðir hevur eisini fingið íblástur frá Heimsmálunum.

Hósdagin í hesi vikuni skipar BitUff fyri sonevndum vinnurákið í Norðurlandahúsinum, har Ana Elisenda Holden-Peters, leiðari fyri burðardygd hjá Bakkafrost, fer at greiða frá teirra arbeiði við burðardygd og geva føroyskum fyritøkum íblástur til, hví og hvussu tey eisini kunnu arbeiða við burðardygd.

Bakkafrost gevur árliga út eina frágreiðing um arbeiði teirra við burðardygd, herundir í mun til Heimsmálini hjá ST.

Landsstýrið sett kósina, men virkisætlan krevst

Løgmansskrivstovan setti heimsmálini á skrá síðsta samgonguskeið, men enn væntar í, at vit sum samfelag orða eina ítøkiliga virkisætlan fyri at røkka málunum. Vit eiga tí at taka eitt undirbygt alment kjak um, hvørji mál vit skulu seta okkum, og hvørji átøk skulu raðfestast í eini virkisætlan fyri at røkka málunum.

Stórur partur av føroyska vinnulívinum hava greitt melda út, at tey ynskja at taka sína ábyrgd viðvíkjandi burðardygd. Spurningurin er tó, um borgarliga samgongan fer at taka hetta í eins stórum álvara.

Les meira í blaðnum, sum kemur í sølubúðirnar mikudagin.