Veðrið um jólini
Veðrið um jólini hevur altíð havt stóran áhuga. Verða jólini hvít – ella ikki?
Nøkur viðurskifti mugu vera til staðar, skulu vit hava hvít jól – t.e. kalda luft og avfall.
Luftrákið til Føroya er úr suðuri og landsynningi hetta til jóla. Eitt lágtrýst stendur beint vestan fyri Føroyar í hesum døgum, og tað dregur luft til sín, sum stavar frá Mið- og Suðurevropa. Tað fáa vit ikki hvít jól av.
Jólaaftan fer lágtrýstið suður um Føroyar og eitt sindur eysturum. Tá fer ættin í Føroyum at broytast til landnyrðing og norðan í nakrar dagar. Men talan er um sama slag av luft sunnanífrá, sum kemur hendanvegin. Hitin fer ikki lækka nóg nógv til, at tað er kavaavfall.
3. jóladag er aftur suðurætt við lýggjari veðri.
Soleiðis seru viðurskiftini í lufthavinum í dag – also høgætt, men ikki nóg kalt til at tað kavar.
Viðurskiftini kunnu enn broytast so mikið, at hendan forsøgn ikki heldur.
Vit fáa at síggja…