Nú í vár bjóða vit fram undirvísing í myndlist á C – støði. Skeiðið er ætlað øllum áhugaðum.

Økini, ið arbeitt verður innan fyri, eru tekning, máling og grafikkur, har frálæran umfatar grundleggjandi venjingar innan hesar listagreinar, og har miðað verður fram móti at tú arbeiðir sjálvstøðugt við tínari list.

Skulpturur og keramik eru eisini ein partur av skeiðinum har frálæra verður í ymsum modellerings teknikkum innan leir, so at tú kann framleiða rúmlig listaverk og ymsar listarligar brúkslutir.

Undirvísing verður eisini innan føroyska og altjóða listasøgu so at tú ognar tær breiða vitan um myndlist, eins og innlit og førleikar til at málbera teg um myndlist og at greina og tulka listaverk og myndir sum heild.

Møguleiki er at fara til munnliga próvtøku við skúlaárslok (miðnámsskúlastøði). Próvtøkan er ein framløga um nøkur serliga útvald listaverk, og er harumframt ein samrøða um list og myndir sum heild. Undirvísingin gjøgnum árið sæst aftur í framløgu tíni og samrøðan byggir á evni, ið vit longu hava samskift um í undirvísingini.

Ætlanin er at leggja undirvísingina um kvøldarnar týsdagar (ca 4 tímar) og onkrar leygardagar (ca 6 tímar). Skeiðið er umleið 75 klokkutímar í alt. Um undirtøka verður fyri skeiðnum, byrja vit týskvøldið 21. januar kl. 19.00

Lærari er Jóannes Gaard tlf. 516444

Kostnaður 600 kr, og ókeypis fyri miðnámsskúlanæmmingar.

Myndlistahølið í Fuglafjarðar skúla

Tilmelding:

Fuglafjarðar kvøldskúli
kvoldskuli@fuglafjordur.fo
tlf. 238010

ella hjá læraranum