KÍ byrjaði at venja við fullum hópi á graslíkinum í Klaksvík mikukvøldið og longu nú stendur fyrsti venjingardysturin á skránni. Steypavinnararnir úr HB vitja hjá føroyameistarunum. 

Hjá KÍ eru Abubakar Ibrahim og Alessio Hyseni ikki komnir til landið enn, men av teimum nýggju leikarunum hava Odmar Færø og Ole Erik Midtskogen vant í vikuni, og tí er møguleiki hjá KÍ-viðhaldsfólkunum at síggja hesar í KÍ fyri fyrstu ferð umframt, at fleiri ungir lokalir eisini venja við í løtuni og kunnu hugsast at fáa spælitíð.

Dysturin í Klaksvík byrjar leygardagin kl. 12.00, og tað er ókeypis atgongd.