Málríkur javnleikur millum KÍ-HB
Bæði liðini løgdu nógv fyri, tá føroyameistararnir og steypavinnararnir møttust í venjingardysti í dag.
Dysturin í Klaksvík endaði 3-3 og tað vóru stóru profilarnir, sum stóðu fyri undirhaldinum. Adrian Justinussen skoraði øll málini hjá HB og var klárt besti leikarin á vøllinum. Hjá KÍ vóru tað Jóannes Bjartalíð (2) og Páll A. Klettskarð, sum skoraðu málini. Skurðviðgerðin hjá Jóannes Bjartalíð verður sum skilst ikki fyrr enn um nakrar vikur, og tí er hann tøkur at spæla í løtuni. Heilt fitt av vindi var, sum ávirkaði spælið nakað.
KÍ byrjaði við hesum liðnum (4-4-2): Kristian Joensen - Børge Petersen, Jesper Brinck, Deni Pavlovic, Ísak Simonsen - Jóannes Bjartalíð, Steinbjørn Olsen, Jákup B. Andreasen, Boris Dosljak - Ole Erik Midtskogen, Páll A. Klettskarð. Í seinna hálvleiki komu hesir inn: Gulak Jacobsen, Ólavur Niclassen og Odmar Færø. Seinni komu Olaf Hansen og Jákup Vilhelmsen eisini á vøllin.