Lágtrýstið, sum stendur fyri hesum illveðrini, er einar 200 fjórðingar sunnan fyri Føroyar. Trýstið í miðjuni er undir 960hPa, so tað dregur nógva luft til sín.

Mesti vindurin kring lágtrýstið er beint norðan fyri Føroyar. Har er miðalvindurin í løtuni um 25 m/s. Økið við mesta vindinum hevur hug at ota seg suður ímóti Føroyum. Tað er tí, at mesti vindurin er norðanfyri.

Í løtuni siga veðurstøðirt Landsverks frá umleið 18 til 23 m/s av landnyrðingi-norði. Hvirlurnar eru meiri upp í 35 m/s. Í fjøllum og skørðum enn meiri enn tað.  So koyrilíkindini eru ikki góð kring landið í dag.

Mestsum soleiðis fer veðrið at vera allan dag. Ættin er landnyrðingur, miðalvindferðin beint undir stormi – t.e. um 18 til 23 m/s – men hvirlurnar harðar.

Hendan ættin er – líka sum allar aðrar ættir – sera ójavnar at uppliva kring landið. Har sum hendan ættin er ring, fer veðrið at vera eitt sindur verri, enn eg havi skrivað omanfyri. Aðrasteðs fer hon ikki at vera so ring.