Ælaveður í dag
Luftin er eitt sindur køld, sum rekur ímóti Føroyum í dag. Eitt ella tvey stig heitari enn fyrradagin; eitt ella tvey stig kaldari enn í gjár.
Luftin kemur úr Kanada, og har er nógv kaldari enn her í Føroyum. Á veg hendavegin ornar hon, og hitin her hjá okkum er 2-4 stig.
Tá ið køld luft rekur yvir oyggjunum, er vindferðin eitt sindur ójøvn. Tað er hon eisini í morgun. Í Mykinesi er miðalvindferðin um 15 m/s; á Kirkju er vindferðin um 6 m/s. Miðalvindurin í Føroyum er 12-13 m/s, og ættin er útsynningur.
Soleiðis sum veðrið er nú í morgun, fer tað at vera allan dag: 12-13 m/s úr útsynningi, kavaælingar, og hitin fer at liggja um 2-4 stig.
Seint í kvøld ella í nátt fer vindurin at minka. Fyrrapartin í morgin fer ættin at mala eitt sindur, men seinnapartin fer hann at koma úr útnyrðingi.