Avbyrgdur í Føroyum undir seinra Heimsbardaga
Nú føroyingar eins og flest allir heimsborgarar hava verið noyddir at liva meira ella minni avbyrgd eru summi so smátt farin at merkja til vandarnar við avbyrging.
Her er video, sum Eirikur Biskopstø hevur filma har listamaðurin Hans Jacob Fuglø fortelur. Hon er um ein norðurlending, sum varð fangaður í Føroyum og ikki slapp heim til síni kæru eftir at hava silgt "uppá langfart" úti í verðini.
Avbyrgingin vit í dag merkja í samband við Korona virusina, er kanska lítil í mun til tann sakn fólk upplivdu undir seinra heimsbardaga, men álíkavæl tosa sálarfrøðingar um at tað er ikki vandaleyst at avbyrgja fólk.
Upptøkan er frá 26. juli 2015.
Longur niðri á síðuni er ein annar filmur um ferðina tá Viðoyggin sum eitt av fyrstu føroyska skipi fór til Danmarkar eftir krígslok. Skipið var fult av ferðafólki við føroyingum og dønum, sum høvdu ligið innibyrgd í Føroyum. Komin til Keypmannahavnar stóð fjøld av fólki og tók ímóti, harímillum føroyingar sum gleddu seg at koma aftur til Føroya.