Tað  var Jógvan Fríðriksson, Føroya bispur, ið vígdi nýggju skúlabyggingina  í Klaksvík. Hetta var ein sera hugnalig løta fyri innbodnum, har John Færø bjóðaði vælkomin, vit sungu ein felagssang, síðani fór Vígslan fram, har bispur lýsti signing yvir skúlan og fólkið. Jenis av Rana, mentamálaráðharri helt síðani røðu, næstur honum Jógvan Skorheim, borgarstjóri. Síðani spældi Klaksvíkar Hornorkestur. Beinta Klakstein, forkvinna í Trivnaðarnevndini Børn & Ung KK. fekk síðani orðið. Jórun Andreasen, forkvinna í Skúlastýrinum, legði sítt til. Vagn Foldbo, skúlastjóri fekk síðani orðið.

Ein barnasangbólkur sang síðani fyri okkum, og seinastur var Oyvindur Brimnes, byggiharraráðgevi, sum eftir sína røðu, kundi handa borgarstjóranum lykilin til skúlan.

Jenis av Rana, mentamálaráðharri handaði skúlastjóranum, Vagn Foldbo ein sera vakran málning av Arnhold Vegghamar.