Fyri fyrstu ferð í søguni er graslíkisvøllurin við Djúpumýrar góðkendur til altjóða dystir. Tað váttar formaðurin í KÍ, Tummas Lervig, fyri Norðlýsinum í dag. Fyribils fyri 2020, tá allir dystir hjá UEFA skulu spælast uttan áskoðarar. Tað verður tó lutakast, ið kemur at avgera, hvat lið fær heimavøll til dystirnar í ár, tí hvørt umfar verður bara eitt umfar.

Sunnudagin verður lutakast um, hvussu spælast skal í Champions League. Dysturin í Klaksvík ella á útivøllinum verður leiktur 18. ella 19. august. KÍ kemur heilt vist at spæla tveir dystir í Europa, tí tapir liðið í Champions League, so fer liðið víðari til Europa League at spæla. Tapir KÍ í fyrsta umfari, so skal KÍ spæla í 2. umfari í Europa League 17. september.

Hesum liðum kann KÍ møta:

Celtic (Skotland)

FK Astana (Kazakhstan)

Ludogorets Razgrad (Bulgaria)

Red Star Belgrade (Serbia)

Qarabag FK (Azerbadjan)

Legia Warsaw (Pólland)

Maccabi Tel-Aviv (Ísrael)

Molde (Noreg)

Sheriff Tiraspol (Moldova)

Fenercvaros (Ungarn)

Dundalk (Írland)

Slovan Bratislava (Slovakia)

Suduva (Litava)

Omonia Nicosia (Kypros)

CFR Cluj (Rumenia)

FK Sarajevo (Bosnia & Hersegovina)

Dinamo Tbilisi (Georgia)