Kára Sigurðsson Danmarksmeistari fyri FC Nordsjælland U19
Kára Sigurðsson spælir til dagligt við U19 liðnum hjá FC Nordsjælland, hóast hon bert er 16 ára gomul. Í gjár tryggjaði hon, saman við millum øðrum Sáru Benjaminsen, sum eisini er úr Føroyum, danska meistaraheitið.
Í gjár fingu tey formelt handa steypið eftir at seinasti dysturin var leiktur, men FC Nordsjælland hevur verið flúgvandi í ár. Longu 4 umfør áðrenn seinasta dyst var greitt, at FC Nordsjælland fóru at gerast meistarar.
Kára Sigurðsson byrjaði sína yrkisleið í KÍ, og er dóttir til Oddbjørg og Rúna Sigurðsson. Kára hevur spælt 42 ungdómslandsdystir fyri Føroyar og hevur skorað 29 mál.
Sára Benjaminsen leikti í fjør við Skála í bestu føroysku deildini. Hon valdi eisini at fara til FC Nordsjælland fyrr í ár, har hon hevur ment seg enn meiri.
Sára hevur leikt 46 dystir í bestu deildini í Føroyum.
Vit á Norðlýsinum ynskja Káru og Sáru hjartaliga til lukku við Danmarksmeistaraheitinum.