Lýsing
Lýsing

Rullandi kontry í Klaksvík

SKRIVAÐ: Jóhann Lützen  |  14.08.2020 - 08:28 Mentan Tíðindi

Leygardagurin verður ein stuttligur dagur, tí tá fara Hallur Joensen og bólkurin Southern Comforts á rull í Klaksvík. Í einum stórum lastbili fara teir at spæla hugnaligan kontrytónleik uttanfyri sjúkrahúsið, ellis- og røktarheim og teir ymisku bústovnarnar í býnum. 

Nú koronasmittan aftur er farin at gera um seg, eru tað mong, ið kenna seg ørkymlaði av støðuni. Hetta er ein nýggjur veruleiki, sum vit mugu læra okkum at liva við og kennist hendan nýggja støðan kanska ræðandi og ótrygg; ikki minst fyri tey, sum eru í vandabólki. 
Tí hava vit flest øll eisini tørv á smáum andaholum, har vit kunnu leggja stúranir okkara til viks eina løtu og ístaðin hugsavna okkum um góðu løtuna og nærveruna. Saman - um enn í fjarstøðu. 


Og tíbetur gongur lívið sína gongd. Blómurnar spretta, grasið grør og føroyska náttúran stendur í fagrasta blóma. Hetta gevur okkum eina vón um, at lívið eisini hesuferð fer at sigra. 


So lat vindeyga upp, stilla teg á trappusteinin ella kom út ein túr, legg tínar stúranir til viks og njót tónarnar frá Halluri Joensen og danska bólkinum Southern Comforts, tá teir fara á eina lítla konsertferð í Klaksvík. Eina lítla og øðrvísi konsertferð, har teir fara at spreiða gleði og kærleika uttan fyri sjúkrahúsið, ellis- og røktarheim og bústovnar í býnum. 


Fólk eru vælkomin at leita sær til økini rundan um teir ymsu stovnarnar, tá spælt verður. Fyrireikararnir leggja tó stóran dent á, at fjarstøða og øll tilmæli frá heilsufakligu myndugleikunum verða fylgd, meðan spælt verður. 


Um onkur situr í sóttarhaldi í Klaksvík, so eru viðkomandi vælkomin at senda eini boð til Ragnhild Ellingsgaard á telefon 270626. Um tað letur seg gera, so steðgar lastbilurin eisini eina løtu uttanfyri hesi hús, soleiðis at húsfólki kann lata vindeyguni og taka ein sving om á heima á stovugólvinum.


Skráin fyri øðrvísi konsertferðina (fyrivarni verður tikið fyri smærri broytingum):


Klokkan 13.00: Biskupstorg
Klokkan 14.30: Sambýlið á Heygnum
Klokkan 15.15: Norðoya Ellis- og Røktarheim
Klokkan 16.00: Sambýlið í Bøgøtu
Klokkan 16.45: Heimið við Vágna
Klokkan 17.30: Klaksvíkar Sjúkrahús/Norðoya Røktarheim
Klokkan 18.15: Umlættingarheimið Dáin
Klokkan 19.00: Sambýlið Mylnutún 7
Klokkan 19.45: Búfelagsskapurin Heygavegur 56

 

Lýsing
Seinastu tíðindini
Hetta sigur Odmar Færø um skaðan
Abubakar Ibrahim Aliyu spælir ikki við K…
Trupulleikar­nir hjá KÍ í Trongisvági hil…
Magni Husgaard við sínum fyrsta lagi
Skal kappingarleistu­rin varðveit­ast?
Jórun Niclasen vann navnakappingina
Upptakt: TB-KÍ
Semja um maskinmeistarar hjá Vørn
Nevndarskifti í AKF
Myndarøð: Vóru á fjalli í Barmi í dag
Norðoya Sparikassi 6 milliónir í avlopi…
Næmingar­nir ruddaðu Føroyar
KSS-Open 2020
Góð undirtøka á Viðareiði
Børn og ung skulu hava frítíðarkort
KÍ skal á útivøll um liðið kemur í ‘’pla…
Tilmeldingin til Kvøldskúlan letur upp í…
Nú verður aftur møguligt at taka koyriko…
Poula Isaksen 90 ár
Norðlýsið á gøtuni