Lýsing
Lýsing
Nú verður eftir øllum at døma liðugt við at hava ótíðarhóskandi og ov trongar tunlar á Borðoynni. | Mynd: In.fo

Nú koma tunlarnir Norður um Fjall

SKRIVAÐ: Jóhann Lützen  |  30.09.2020 - 14:50 Politikkur Tíðindi

Onkur sigur 20 ár, onkur sigur 30 ár, ov seint, men í fíggjarlógaruppskotinum fyri 2021 er løgujáttanin til tunlarnar Norður um Fjall 100 milliónir krónur, og tá er talan um eina upphædd, sum veruliga munar. Tunnlarnir eru mettir at kosta tilsamans eina hálva milliard, og tað verður játtað frá í fjør av og fram til 2024, tá verkætlanin verður mett at vera liðug. Samstundis er greitt, at loysnin ikki verður Gerðabøur.

Tá samgonguskjalið varð undirskrivað í fjør, so kom fjáltur á fólk. Onki stóð um tunlarnar norður um Fjall í samgonguskjalinum. Nakrar vikur seinni kom so fíggjarlógin fyri 2020, og tá gjørdist fjálturin ikki minni. Bert 15 milliónir vóru settar av. Fólk óttaðust, at hetta var eitt ”halt-kjaft-bomm”. Samgongan royndi at sissa við, at teir fóru at síggjast aftur í fíggjarkørmunum, ið vórðu lagdir fram 1. apríl. Men so kom Corona, og fíggjarkarmarnir vórðu ikki lagdir fram. Og fólkið Eystan Múla fekk ikki frið í sinnið.

Men nú lýsnar í eystri! Til løgtingsfíggjarlógaruppskotið, ið varð lagt fram í dag, 30. september, eru 100 milliónir avsettar sum løgujáttan til Tunlar Norður um Fjall. Verkætlanin verður mett at kosta tilsamans eina hálva milliard, og peningurin verður játtaður soleiðis, at 15 milliónir eru játtaðar í ár, 100 milliónir í 2021, 100 milliónir aftur í 2022, og so 135 milliónir í 2023. Longur fram enn tað gongur fíggjarlógaruppskotið ikki, men so má roknast við, at tær seinastu 100 milliónirnar verða játtaðar í 2024.

Orðarætt stendur soleiðis í uppskotinum til fíggjarlóg:

”Eftir ætlan verður nýggjur tunnil gjørdur millum Ánirnar og Árnafjørð á leið har, sum verandi tunnil er, og nýggjur tunnil verður gjørdur millum Árnafjørð og Norðtoftir á leið har, sum verandi tunnil er. Harumframt verða vegir gjørdir millum nýggju tunlarnar, og knýtt verður í verandi landsvegir. Árnafjarðartunnilin verður 1,9 km., og Hvannasundstunnilin 2,1 km. Tilhoyrandi vegagerð verður 1,9 km.

Verkætlanin kostar umleið 500 mió kr., og verður galdandi verklagslóg dagførd samsvarandi. Undangóðkenningin av feløgum er liðug, og hava fýra fyritøkur bjóðað seg fram at geva tilboð uppá høvuðsarbeiðstøkuna. Landsverk ætlar at bjóða arbeiðið út seinni í ár og byrja arbeiðið seint í ár. Verkætlanin er mett at verða liðug í 2024.”

Hervið er eisini greitt, sum vit áður hava skrivað her í Norðlýsinum, at vegaføringin og tunnilsmunnin við Gerðabø, sær út til at vera endaliga slept. Arbeitt verður við eini ætlan um at lata tunnilsmunnan Klaksvíkar-megin koma út umleið sama stað sum verandi tunnilsmunni kemur út, t.v.s. umleið áraka Ánirnar. Hetta fer helst at elva til kjak í næstum, tí nógv tey flestu tykjast halda, at Gerðabøur er tann frægara loysnin.

Men í øllum førum eru fleiri áratíggju av oyðimarkargongd nú at enda komin, og fólkið Eystan Múla og í Árnafirði sær nú ljós fyri endan av tunnilsmunnanum. Og til teirra sunnantil í landinum, ið óttaðust at hetta fór at forkoma Fámjinstunlinum, eru eisini góð boð at síggja í fíggjarlógaruppskotinum. Ætlanin er somuleiðis at gera ein Fámjinstunnil í hesum valskeiðinum.

Lýsing
Seinastu tíðindini
Vallistar til býráðið
Stjørnan tekur ímóti Neistanum
Sang og Vitnisburðar­løtur á Eiði
Silvurbikarið funnið
Norðoya Litbúð keypt Contrive
KÍ møtir Vålerenga
Hallartún letur dyrnar upp í kvøld
Tíðarskeiðið í avbyrging og sóttarhaldi…
Lendisgøtur og View Point
Gadus siglir heim
Hilton Garden Inn Faroe Islands letur up…
Nýggj KT-heildar­tænasta í norð­urøkinum
Listi B í Fuglafirði stillar 12 valevni…
Áfram Eystur­kommuna
KÍ bjargaði sær sera týdningarmikið stig…
Skal ikki - skal!
Útróður í Klaksvík
Bárður Lydersen stillar upp fyri Framsók…
Ein heilsan til hetjurnar
Herborg í Spaniu­stovu