Komið og stuðla Treysti ungdómi
Hvørt ár í januar mánað eru børn og ung hjá Treysti í Íslandi og luttaka í innandura kapping
Hvørt ár síðani 2010 hava ungir og íðkarar, og eisini onkur tilkomin íðkari, luttikið í innandura kappingini Stórmót ÍR, sum fer fram í Laugardalshøllini í Reykjavík. Umstøðurnar har er framúr góðar at luttaka í ymsum greinum í frælsum ítrótti. Í Reykjavík hevur øll árini verið gist á Hotel Ørkini.
Undanfarin ár hava vit samla nakað av peningi, við at hjálpa til tá ymisk tiltøk hava verið í Klaksvík. Men í ár er so alt avlýst og av tí sama mugu vit finna uppá okkurt annað.
Í hesum sambandi fara vit at hava eitt stuðulstiltak leygardagin 3.okt frá 14.00-17.00 á Biskopstorginum. Tiltakið byrjar við at børn og ung hjá Treysti renna stuðulsrenning við Norðoya Sparikassa. Tey fara at renna í hálvan tíma. Stuttligt verður at síggja hvussu nógvar umfør tey klára. Á Biskopstorginum verður tombola, fiskibrunnur og søla av poppkorn, greytísi, vaflum, sodavatni og kaffi/te. Frá kl. 15 verður møguleiki at keypa grilla lambskjøt og grís við chips og sós.
Vit vóna at síggja nógv fólk á Biskopstorginum leygardagin.
Børn og ung í Treysti takka fyri allan stuðul.