Veðrið í vikuni, sum kemur
Hesa árstíðina gerast lágtrýstini, sum koma ímóti Føroyum, lægri og fáa meiri megi, enn tey hava gjørt síðan einaferð í vár.
Skiftini ímillumveðurskipaninar eru tí meiri markant, enn vanligt er á sumri.
Fyrra partin av vikuni fer eitt lágtrýst yvir Írlandi og Bretlandi av stýra veðrinum í Føroyum. Soleiðis sum tað er væntað at ferðast, fer ættin spakuliga at flyta seg úr eystri mánamorgun og upp í norðan mikukvøld. Hósnátt er tað farið so langt burtur frá okkum, at tað missur sína ávirkan her.
Í tess stað kemur eitt annað lágtrýst; tað ferðast nógv longur norði. Løtuna ímillum hesi lágtrýst er stilli – hetta verður væntandi báðumegin middag hósdagin.
Eftir tað fara vit at hava ættirnar ímillum landsynning og útsynning restina av vikuni og í vikuskiftinum. Tá fer at vera heilt fitt av vindi eina løtu. Orsøkin er, at reduseraða lufttrýstið í miðjuni fer á lágtrýstinum heilt niður í 954hPa.
Veðrið meira ítøkiligt – dag fyri dag:
Mánadag: Eystan, sum gongur upp í landnyrðing-eystan út á kvøldið. Vindurin veksur úr 7 til 12 m/s fyrrapartin upp í 10 til 15 m/s um kvøldið. Ælaveður allan mánadagin – teir flestu har ættin er keðilig; onkrasteðs einki æl.
Hitin mánadagin fer at liggja um 5 til 6 stig.
Týsdag: Landnyrðingur, sum gongur upp í landnyrðing-norðan út á seinnapartin. Vindferðin um 10 til 15 m/s allan dagin. Fyri tað mesta turt allan týsdagin – tó okkurt ælið í støðum.
Hitin týsdagin fer at liggja um 5 til 6 stig.
Mikudag: Landnyrðingur-norðan, sum gongur upp í eysturhallan norðan út á kvøldið. Vindferðin minkar úr 10 til 15 m/s um náttina niður um 5 m/s um kvøldið. Fyri tað mesta turt allan mikudagin – tó okkurt ælið í støðum (júst sum týsdag).
Hitin mikudagin fer at liggja um 5 til 6 stig.
Hósdag: Landnyrðingur-norðan um náttina, men hann fer at mala út ymsum ættum fyrrapartin. Út á seinnapartin landsynningur. Vindferðin er minni enn 5 m/s um náttina, og minkar niður í lítið og einki fyrrapartin. Seinnapartin veksur vindurin spakuliga; á midnátt eru 8 til 13 m/s; eina løtu eftir midnátt eru 18 til 23 m/s. Fyri tað mesta turt allan hósdagin.
Hitin hósdagin fer at liggja um 6 til 8 stig – líka sum dagarnar frammanundan.
Fríggjadag: Útsynningur á morgni, sum fer í landsynning seinnapartin. Vindferðin um 8 til 13 m/s fyrrapartin, men veksur upp í 10 tl 15 m/s út á kvøldið. Regn fríggjanátt og -morgun. Tað slítur í út á fyrrapartin.
Hitin fríggjadagin fer at liggja um 7 til 9 stig.
Leygardag: Landsynningur á morgni, sum fer niður í sunnan fyrrapartin. Vindferðin veksur úr 10 til 15 m/s fyrrapartin upp í 15 til 20 m/s seint seinnapartin ella um kvøldið. Tað regnar leygarmorgun og -fyrrapart. Turt út á seinnapartin.
Hitin leygardagin fer at liggja um 8 til 10 stig.
Sunnudag: Sunnan og útsynningur-sunnan. Vindferðin minkar úr 15 til 20 m/s fyrrapartin niður í 10 til 15 m/s seinnapartin. Tað regnar eina løtu sunnumorgun. Seinnapartin turt.
Hitin sunnudagin fer at liggja um 9 til 11 stig.