Kravdar kanningar halda fram
Farsóttarnevndin í Føroyum hevur á fundi 26. november 2020 avgjørt at leingja tíðarskeiðið fyri kravdar kanningar fyri Covid-19 við komu til Føroyar fram til og við 31. mars 2021.
Orsøkin til leingjanina er, at Farsóttarnevndin er av teirri fatan, at kravda kanningin hevur verið eitt sera týdningarmikið amboð til at avmarka smittuspjaðingina av Covid-19 í Føroyum.
Farsóttarnevndin vil eisini leggja dent á, at kravda kanningin ikki kann standa einsamøll. Fyrst og fremst er tað týdningarmikið, at vit í Føroyum framhaldandi standa saman um at halda grundleggjandi tilmælini um, at:
- halda frástøðu
- hava gott reinføri
- vera við hús ella fyri seg sjálva/n, um man hevur illgruna um at vera smittað/ur
- annars brúka vanligt vit og skil
Tað er eisini framhaldandi av avgerandi týdningi at lata seg kanna 6. dagin eftir heimkomu. Ikki øll merkja sjúkueyðkennini av Covid-19, og kunnu tí, uttan at vilja tað, smitta onnur og spjaða smittuna.
Farsóttarnevndin vil fegin ynskja øllum eini gleðilig og trygg jól og eitt gott og trygt nýggjár.