Team Klaksvík hevur framt útskifting á málmansøkinum. Team Klaksvík valdi at enda samstarvið við Strahinja Popovic, meðan Mark Dahl valdi at gevast. Í eina tíð hevur nýggjur málverji verið á veg. Hann fekk korona beint áðrenn, at hann skuldi koma til Føroyar.  Av tí sama er hann komin nakað seinni enn ætlað. Nú er hann frískur og klárur at spæla.

David Henigman er 27 ára gamal. Hann er 183 cm høgur. Hann hevur síðstu árini m.a. spælt í bestu deildini í Kroatia. Saman við honum verður lokali Aron Jacobsen í hópinum. Hann spældi ein sera góðan dyst móti H71 seinast.

Sunnudagin spælir Team Klaksvík á heimavølli móti StÍF. Tá er vónin, at øll loyvini eru komin uppá pláss hjá nýggja málverjanum úr Kroatia.