Sum flestu vita, so fer nógv av hýsuni, sum útróðrarbátarnir fáa til Onglands ella Skotlands. Men á nátturðatíð í gjár, gjørdi Boris Johnson, forseti í Onglandi greitt, at landið lukkar niður orsakað av koronastøðuni í landinum.

Hetta hevur við sær, at føroyskir útflytarar vita onki um tíðina fram. Í morgun lógu í fyrsta umfari eini 15 tons eftir á Fiskamarknaðinum, sum ikki vóru seld og hyggur ein at miðalprísunum á hýsu, so er prísurin fallin eini fýra krónur fyri kg. Í gjár vóru miðalprísirnir á hýsu umm 14 kr. fyri kg og í morgun um 10 kr. Hvussu sær út í morgin er ikki lætt at vita.

Hans Marius Í Byrgi, stjóri á Sjógæti, ið keypir fisk frá útróðrarbátunum á Eiði sigur, at prísurin hjá teimum verður lagdur eftir prísinum í viku 1. Hetta er galdandi fyri í morgin, sigur Hans Marius, hvussu støðan verður longur fram liggur í óvissuni, men vit hava fingið fleiri áheitanir frá keyparum okkara í Onglandi um at halda aftur, so sigast má, at vit vita onki, men royna at halda tørn.

So sum sær út í løtuni, so eru prísirnir á hýsu fyri ógvusligum falli í løtuni.