Kjølur Open hevur verið í Klaksvík um vikuskifti. Spaniastova hevur verið karmur um talvkappingina og kulissurnar rigga einastandandi væl. 

Rani Nolsøe og Margar Berg lógu væl fyri at vinna kappingina undan síðsta umfarinum. Men við javnleiki teirra millum, so yvirhálaði Terji Petersen teir báðar, tá hann vann á unga Luitjen A. Apol. 

Tá vit vitjaðu í dag løgdu vit merki til at fleiri heilt ungir telvarar dystaðust í Kjølur Open. 

Undirtøkan hevur verið góð, her eru góðir karmar at telva í. Vit hava rættuliga nógvar ungar telvarar, so tað sær gott út í felagnum, sigur Tummas Martin Sólsker frá Klaksvíkar Talvfelag.