Veðrið lagaði seg ikki væl hjá útróðrarbátunum upp undir endan av vikuni sum fór, men fríggjadagin vóru teir aftur á útiróðri og í dag fara helst allir aftur til útróðrar eftir stormin í vikuskiftinum. Fyri umleið eini viku síðani fekk Norðsøki trupulleikar við gearinum. Hóast Eyðólvur Vang, skipari stúrdi fyri at tað kundi taka langa tíð til gearið bleiv í lagi aftur, so eydnaðist tað Mekanik í Runavík at fáa eykalutir skjótt til landið. Fríggjadagin kundu teir so fara ein túr aftur, men gearið lak nakað, so menn frá Mekanik vóru aftur og gjørdu tað sum skuldi til afturat, so í skrivandi stundi fer Norðsøki aftur til útróðrar.

Vit frættu frá Brandi fríggjdagin, teir høvdu 9.000 pund harav 2.600 pund av toski. Á Fiskamarknaðinum seldu Norðsøki 10.100 pund, Líðhamar 12.000 pund og Stakkavík 5.100 pund.