Lýsing
Lýsing

Samrøðubólkur fyri Tvørkynd

SKRIVAÐ: LGBT Føroyar  |  08.03.2021 - 08:56 Mentan Tíðindaskriv

LGBT Føroyar bjóðar nú á fyrsta sinni samrøðubólk til tvørkynd.

Í samrøðubólkinum kunnu tvørkynd deila sínar royndir, tankar og upplivingar. Tú lurtar og lærir frá hinum í bólkinum, og kann stuðla og hjálpa øðrum í somu støðu sum tú.

Tað hevur stóran týdning at kunna tosa við onnur í somu støðu. Onnur sum skilja, hvussu ein hevur tað.

Samrøðubólkurin er ikki viðgerð, men eitt stað har fólk í somu støðu kunnu fáa ráðgeving, stuðul og hjálpa hvør øðrum.

Øll verða hoyrd, sædd og tikin í álvara og tað er púra upp til ein sjálvan, hvat ein ynskir at deila við hini í bólkinum.

Samrøðubólkurin verður eitt frírúm, har tú kanst verða akkurát tann tú ert uttan fordøming.

Samrøðubólkurin hittist annað hvørt hóskvøld kl. 19.00-21.00 í hølinum hjá LGBT í Tórsgøtu 16 í Havn

Tað verður sálarfrøðingurin Bjørt Lind, sum leiðir bólkin. Bjørt starvast í løtuni sum námslektari á Setrinum, og hevur eisini sálarliga viðgerð við bæði einstaklingum og pørum. Bjørt hevur royndir við samrøðubólkum, og hevur eisini arbeitt við tvørkyndum ungum.

Tað er ókeypis at taka lut og tú meldar teg til samrøðubólkin við at senda teldupost til lgbt@lgbt.fo ella við at senda okkum boð á facebook.

Freistin at melda til er mikudagin 10. mars.

 

Lýsing
Seinastu tíðindini
Ingi Sørensen niðri á Reynsmúla í dag
Gadus fer nýggjan túr mikukvøldið
Fløsku innsavnan í kvøld
Veiðigjøld­ini, ein tungur burður
Rúni Vang Poulsen gevst sum stjóri á Smy…
Vil samgongan miðspjaða almennar stovnar…
Toppdystur í Sarpugerði í morgin
Tavan og Kong Oscar
Ranja og Bjarnhild vunnu serstakan heiðu…
Góð 800 pund við snellu
VIRUS VIRUS á Skúlatrøð
Vatndeildin nýggjan leiðara
Skrúvað verður fyri vatninum á vestara a…
Heili sjey føroyameistarar í badminton
Egga lagt frá sær sum formaður í Paraspo…
Várframsýningin 2021
Spillolja sivar á sjógv
Viðmerking til Anfinn Olsen
Bjørg er nýggjur leiðari í Fjallafípuni
Tekniski Skúli: Enn eru tøk pláss eftir…