Jan Gintberg á Leiðaradegnum 2021 | Tí tú treingir til tað!
Vit hjá Synergi eru sera fegin um, at boða frá, at Leiðaradagurin 2021 verður tann 21. mai 2021 á Hotel Føroyum og at høvuðsrøðarin er Jan Gintberg. Afterparty verður á Hilton.
Tað verður beistastuttligt, passaliga ørt og samstundis innihaldsríkt!
Á leiðaradegnum fært tú eitt bæði tiltrongt og uppiborið frírúm. Kom og flenn teg til ein sixpack, tá Gintberg trínur á pallin við sínum uppleggi um, hvussu tú heldur motivatiónini uppi, tá alt ikki er bara-bara.
HAPS til tey skjótu
Teknar tú teg til Leiðaradagin í seinasta lagi 29. apríl 2021 kl. 12.00 – fært tú eitt gávukort til HAPS við í prísinum! Tak tínar starvsfelagar við á ein øðrvísi fund á HAPS og fá ein leskiligan HAPS'ara afturvið.
Við hesum bjóðar Synergi øllum leiðarum – eisini teimum við leiðara í búkinum – hjartaliga vælkomin til Leiðaradagin 2021.