Upptakt: Víkingur-KÍ
Grannauppgerðin hesaferð er eisini millum tey bæði bestu liini fyrstu fýra umførini.
Hvørki av liðunum hevur tapt nakran dyst enn, so sjalvsálitið er helst gott í báðum hópum.
Hjá Víkingi er Finnur Justinussen ikki tøkur restina av kappingarárinum vegna skaða. Arnbjørn Svensson er í løtuni í Danmark í útbúgvingarørindum og hann missir hendan dystin.
Hjá KÍ er ivamál um Claes Kronberg, sum ikki var í hópinum seinast, Deni Pavlovic, sum ikki kom á vøllin seinast og Heina Vatnsdal, sum fór út við einum snuddi í hálvleikinum. Hinvegin spældu Jesper Brinck og Ivar S. Rønning sínar fyrstu dystir hetta kappingarárið seinast, so KÍ fær ikki trupulleikar við at manna plássini við royndum leikarum, um nú onkur av hesum leikarum ikki verður tøkur.
KÍ á 1. plássi hevur 12 stig, meðan Víkingur á 2. plássi hevur 8 stig. Dysturin í Norðragøtu byrjar í kvøld kl. 19.00. Dómari verður Dagfinn Forná.