Lýsing
Lýsing

Virkið vár allan mánaðin

SKRIVAÐ: klaksvik.fo  |  12.05.2021 - 16:28 Tíðindaskriv

Seinasta leygardag setti Annika S. Biskopstø, forkvinna í heilsunevndini, Virkið vár, sum er eitt átak, sum skal eggja borgarum at brúka býrúmið og náttúruna og harvið fáa upplivingar, sum kunnu eggja til góðar útivanar.

Ein liður í hesum átakinum er at sjónligera tiltøk og átøk, sum longu eru á skrá hjá áhugafeløgum, einstaklingum og øðrum.

Hesa vikuna kunnu vit vísa á, at Kristi himmalsferðardag kl. 14.00 skipar Norðoya Gongufelag fyri túri eystur í Hópin, har Jógvan Ravnsfjall verður ferðaleiðari. Gingið verður frá Núpinum og eystur eftir niðaru gøtu um Torvadalsgjógv til toftirnar í Hópinum og eisini eystur til Bergrætt og rættina í Skorti.

Leygarmorgunin 15. mai kl. 11.00 skipar Treysti fyri tiltakinum “Renn ella gakk”. Byrjað verður uttanfyri Norðoya Sparikassa, og runnið ella gingið verður 15 minuttir, áðrenn vent verður aftur til Norðoya Sparikassa.  

Tiltøkini eru ókeypis og øll kunnu luttaka.

22. mai verður m.a. stovnandi aðalfundur hjá einum nýggjum súkklufelagið í Klaksvík, og skipað verður fyri heilt serligum súkkluvirksemi til bæði royndar og óroyndar súkklarar. Tiltakið verður inni og uttanfyri Skúlatrøð.

Eisini verður Silvarenning fyri børn hendan dagin.

29. mai kemur Maud Wang Hansen at hava eina verkstovu, sum eitur Spírar, har familjur hava møguleika at planta gróðurkvistar í smáar pottar.

Meira verður at frætta um hesi tiltøkini í komandi viku.

Undir heitinum Virkið vár verður sostatt varpað ljós á tiltøk í býnum, sum eru heilsufremjandi kropsliga og sálarliga.

Kunning um onnur tiltøk í tíðarskeiðinum 8. mai til 5. juni, kunnu sendast til Duritu Samuelsen umvegis duritas@klaksvik.fo.

Lýsing
Seinastu tíðindini
Stríðið steðgar ikki her
Kringvarpið noyðist at spara
Nema og Trygd gera avtalu um burðardygga…
Inga og Lina seinasta arbeiðsdag
Nú sleppa øll ókeypis at leita í tinglýs…
Myndarøð: KÍ vann 4-0 á skerdum ÍF-liði
Myndarøð: KÍ - EB/­Streymur/­Skála spældu…
Stríðið er av – men hvør vann?
Skrokku­rin hjá Christian í Grótinum verð…
Upptakt: KÍ-ÍF
Norð­oyastevnuróðu­rin verður 24. juli
Myndarøð: KRF hátíðarhelt góðu úrslitini…
3. deild vann stórsigur í Suðuroy
Klaksvík­ingur, Páll Fangi og Fípan Fagra…
Kristian Joensen til EB/­Streym
EM studio 4
Álop á okkara vunnu rættindi
Røða til próvhandan­ina hjá Dugna
28 lærlingar fáa prógv
Stórtíðindi úr Syðrugøtu: Aurora kemu…