Myndamaður okkara Oliver Joensen var framvið kappróðraneysti og fekk nakrar myndir av manningum og bátum hjá KRF. Vit hava práta við Magnus Norðberg, ið er høvuðsvenjari hjá KRF. Hann er sera spentur til Norðoyastevnuna.

Vit eru væl umboðaði í kappróðrinum í ár. Manningarnar hava gjørt nógv við venjingarnar  men hjá summum manglar tað allarseinasta og tað er har, at fólk kunnu gera mun við at møta upp á kajini, so man sær stórar mannamúgir og at rópa á manningarnar teir allar seinastu metrarnar - tá ið næstan ongar kreftir eru eftir, so at tey seinastu prosentini vera løgd í árarnar og eitt møguligt heiðursmerki verður fingið í hús. 

Manningar hjá Klaksvíkar Róðrarfelag

• Tríggjar barnamanningar ( Tekla og Sævarmoy, dreingir), (Sævarmoy, gentir)
• FM gentir (Sævarmoy)
• FM gentir (Fípan Fagra)
• FM dreingir (Fípan Fagra)
• 5. mannafør kvinnur (Tekla)
• 6. mannafør menn (Páll Fangi)
• 8. mannafør menn (Nevið Reyða - útlánt til NSÍ, men rør undir KRF)
• 10. mannafør menn (Klaksvíkingur)