Fyrra myndin er tikin á Bumshamri í Klaksvík, og seinna myndin er tikin á Toftum sama dag. Myndirnar tala fyri seg.

Hvønn dag koyra lastbilar út á Bumshamar at fylla mold í grótbrotið. Um nakað av moldini heldur verður løgd framvið vegnum her, og nøkur trø verða gróðursett, so verður tað nógv vakrari og til stórt gagn fyri umhvørvið, fuglar og smákykt, sum gagna náttúruni.

Nú mugu vit koma í gongd við at gera býin vakran og hugnaligan í útjaðaranum, til gleði fyri okkum øll, sum búgva her á leið, og øll, sum koma framvið. Tað kostar neyvan nógv, tí bilarnir við mold, koyra har kortini.

Vónandi tekur Klaksvíkar Býráð hetta uppskotið til sín, og ger tað til veruleika sum skjótast, so vit liva upp til góða slagorðið REINUR OG FRÍÐUR KLAKSVÌKAR BÝUR