Lýsing
Lýsing
Lýsing
Hátíðarhaldið í Punxsutawney í Pennsylvania er helst tað kendasta Groundhog day tiltakið. Mong fólk møta upp at síggja murmildjórið koma úr holuni. Menninir(!), sum standa fyri tiltakinum, er allir í høgum hatti við breiðum skugga. | Mynd: Gene J. Puskar

Groundhog day (USA)

SKRIVAÐ: Hanus Kjølbro  |  17.09.2021 - 14:00 Tíðindi Veðrið

Meðan vísundufólk royna at máta veðrið og at gera grundaðar reglur at ganga eftir, so eru nógvar íspunnar søgur um veðrið og eisini ymiskir stuttligir og margháttligir siðir í tí sambandi.

Havi funnið nakar slíkar søgur og siðir fram úr ymsum londum.

Groundhog day er eitt hátíðarhald í USA, sum er hildið 2. februar – t.e. á kyndilsmessu.

Hendan dagin savnast fólk í ymsum støðum kring landið at síggja eitt murmildjór koma úr holuni. Veðrið hendan dagin sigst at vera avgerandi fyri, hvussu várið fer at verða. Er skýggjað, er veturin við at sleppa takinum, og várið er á veg.

Hinvegin, er gott veður og sólin skínur nóg mikið, at murmildjórið sær sín egna skugga, so er veturin ikki liðugur enn og kann liggja upp í 6 vikur afturat.

Hesin gamli og hugnaligi siðurin stavar helst úr Týsklandi í miðøld, tá ið skuggin av einum grevlingi var brúktur at gera av, um várið var á veg ella ikki. Fólk úr Týsklandi, sum fluttu til USA, tóku siðin við sær, og grevligurin varð skiftur um við eitt murmildjór.

Dagurin hevur verið hátíðarhildin í USA í nógv ættarlið, og hann fekk bæði eina nationala og internationala endurføðing, tá ið ein Hollywood filmur – hann eitur Goundhog day – var gjørdur í 1993 um ein eitt sindur óhepnan veðurfrøðing.  

Hóast siðurin er vælumtóktur millum amerikanarar, so hava veðurfrøðingar ella onnur ikki funnið nakað samband ímillum veðrið á Groundhog day, og nær várið fer at koma.

 

Lýsing
Seinastu tíðindini
Nýggjur bygningur til Fróðskaparsetrið
Skotiđ viđ Magnus Jørmundsson
Nú kemur umstrídda lógaruppskotið
Pál Weihe í Sandvágs kirkju
Sløkkja ljósini í ein tíma
Hotel Hafnia og Hotel Brandan hava gjørt…
Peningastov­nar gera mismun á fólki
Norðlýsið á gøtuni
Magni Christiansen konsert á Eiði
Nýggj vísindagrein í Ocean Engineering
Á leið sama umsøkjaratal á miðnámi
Dýrari tunlar enn neyðugt
Magnus Jørmundsson vitjar Skotið
Heilsuhjálpara­felag Føroya
Nær síggjast úrslit av allari ferðing­ini…
Jógvan Fríðriksson, bispur, prestur til…
Brúkar tú blinkaran?
Fíggjarlógar­arbeiðið úr einum javnstøðus…
Tøkk - Maria Sofía Skærtóra Viðoy
Fimleikafagnaður: Myndarøð partur 5