Leygardagin 18. September verður farið í Tjørnuvíksstakk eftir seyði, hetta er hátíðardagur í bygdini og samstundis er hetta byrjanin uppá heystfjøllini.

Í ár eru 6 Veðrar at taka.  

Kostnaðurin fyri túrin er 100 krónur, her er avmarkað luttøka. Hetta er samstundis ein lutaseðil uppá eitt feskt  tjógv av Stakkinum, lutaseðlarnir verða trektir undir uppboðssøluni.

Eftir døgurðan verða 2 veðrar  flettir og síðan sundurlimaðir, hesir verða seldir í stykkjum á uppboðssøluni, sum byrjar klokkan 17.00.

Um ein ætlar at keypa sær ein livandi seyð, er eisini møguleiki at fáa seyðin flettan, har eru fleiri menn, sum standa klárir at fletta eftir uppboðssøluna.

Bygdarhúsið skipar eisini fyri ymiskum, eitt nú er tombola aftaná uppboðssøluna og seinni um kvøldið verður dansur  í bygdarhúsinum við Hallur Joensen.