Tað merkir, at hjá 5-mannaførum við gentum og dreingjum verða nú aldursbólkar og við tí leggjast tveir FM-róðrar afturat teimum 9 (um vit telja barnaróður uppí), sum hava verði frammanundan.

Í lógunum hjá Róðrarsambandi Føroya stendur nú:

§ 23.
5 mannafør við gentum og dreingjum rógva í tveimum bólkum. Tey, sum eru 16 ár ella yngri í kappingarárinum, rógva fyri seg, og tey, sum fylla 17 ella 18 ár í kappingarárinum rógva fyri seg. Við kappingarárið er at skilja tíðin frá og við 1. januar til og við 31. desember.

Stk.2
. Tó kunnu tey, sum eru 16 ár ella yngri í kappingarárinum velja at rógva saman við teimum, sum hava fylt 17 ella
18 ár í kappingarárinum. Í so fall er hetta galdandi fyri alt kappingarárið.

§ 24.
Við 5 mannaførum kvinnum, 6 mannaførum, 8 mannaførum og 10 mannaførum er einki aldursmark á rógvarum, tó at minst tveir rógvarar skulu fylla minst 19 ár í kappingarárinum. Við kappingarárið er at skilja tíðin millum 1.januar til og við 31. desember.

Tað merkir, at heili 11 FM-róðrar verða í 2022, um vit telja barnaróður við.

5-mannafør gentur, barnaróður, (árg. 2008-2010)
5-mannafør gentur, U16 (árg. 2006-2007)
5-mannafør gentur, U18 (árg. 2004-2005)
5-mannafør kvinnur
6-mannafør kvinnur
5-mannafør dreingir, barnaróður, (árg. 2008-2010)
5-mannafør dreingir, U16 (árg. 2006-2007)
5-mannafør, dreingir, U18 (árg. 2004-2005)
6-mannafør menn
8-mannafør menn
10-mannafør menn