Í kvøld verður landskappingar- og stevnudystur í Klaksvík.

Oddaliðið KÍ fær vitjan av EB/Streymi, sum KÍ hevur havt gott tak á síðstu árini. Hjá KÍ eru nakrir skaðar. Børge Petersen og Jonn Johannessen eru skaddir, meðan Claes Kronberg er byrjaður at vena aftur og kom inn seinast. Hinvegin vóru Deni Pavlovic og Jóannes Bartalíð darvaðir av skaðum seinast og ivasamt er, um teir spæla frá byrjan hesaferð. Hjá EB/Streymi hevur Filip Djordevic leikbann.

Dysturin í Klaksvík í kvøld byrjar kl. 19.00. Dómari verður Rúni Gaardbo.