Sammóðir vend í hurðini?
Norðlýsið skilir, at ein kvinnuligur útiseti, ið er sammóðir og við barn, hevði í hyggju at stilla upp fyri Javnaðarflokkin til fólkatingsvalið 31. oktober, og at tað var komið so langt, at klárt var at taka mynd av valevnunum, har hendan kvinnan skuldi vera við á myndini. Men tá ið hon var komin til Føroya, slapp hon brádliga ikki á listan, og tíansheldur á myndina, kortini.
Sum Norðlýsið hevur skilt støðuna, var tað eitt annað kvinnuligt valevni, ið hevði sett floksleiðsluni eitt ultimatum. At slapp hendan kvinnan á javnaðarlistan, so trekti hon seg. Leiðslan bakkaði fyri henni, og tískil slapp útisetin og sammóðurin ikki á listan. Sammóðirin, ið er við barn, var annars komin allan vegin til Føroya til myndatøkuna.
Í løtuni verður roynt at fáa fatur á ábyrgdarpersónum í Javnaðarflokkinum, ið annaðhvørt kunnu vátta, avsanna ella viðmerkja søguna.