Rættuligt flogbóltsvás var í Klaksvík um vikuskifti. Bæði meistaradeildin hjá kvinnum og monnum leiktu. Kvinnurnar vunnu sannførandi og menninir somuleiðis. 

Kvinnurnar leiktu fyrst og vunnu 3-1 meðan menninir leiktu aftaná og vunnu 3-0. Hetta er fyrsti heimasigurin hjá kvinnunum í ár. Venjarin Ragnar í Haraldstovu hevur hópin av evnaríkum leikarum og teirra menning er eyðsýnd. Vit frætta frá venjingunum, at nógv verður lagt fyri at betra seg. 

Hjá monnunum var væntandi at vit fóru at fáa at síggja ungu leikararnar fáa fitt av spælitíð og soleiðis gjørdist tað eisini. Teir smæddust ikki og leiktu væl. Eftir dystin leiktu liðini venjingardyst tvey sett. Tá steðgaðu teir eldri leikararnir og inn komu enn yngri leikarar á liðið. 

MK: Mjølnir 3 - 1. Settúrslit ( 25-20, 25-23, 18-25 og 25-11)

MM: Mjølnir 3 - 0. Settúrslit (27-25, 25-16 og 25-17)