Lýsing
Lýsing
Lýsing

Ásýniligt valstríð hóast stutt skotbráð

SKRIVAÐ: Oliver Joensen  |  28.11.2022 - 14:11 Myndarøð Tíðindi

Hóast tað lá í luftini eina tíð, so kom tað helst eitt sindur óvart á hjá fleiri av teim, sum nú eru uppstilla til løgtingsvalið 8. desember, at tey fingu so stutta tíð at skipa fyri valstríðnum.

Sigast má tó, at tað hevur gingið væl hjá teim sum eru uppstillaðið til valið, at koma út við sínum boðskapi. Norðlýsið hevur millum annað bjóðað flokkunum, at velevni flokkana kunnu sleppa fram at at skriva so nógv lesarabrøv sum tey vilja ímóti føstu gjaldi frá flokkinum. Tað hevur sást aftur á nordlysid.fo har so nógv lesarabrøv við politiskum innihaldi hava verið, sum helst ongantíð áður.

Vit vóru ein túr í býnum í dag við myndatólinum og fingu nakrar myndir av nógvu valplakatunum, ið byrjaðu at síggjast kring um í lokalumhvørvinum fyri fleiri døgum síðani. 

Veðrið hevur verið sera harðligt nú um vikuskiftið, sum júst er fari aftur um. Vit ringdu til Jógvan Johannesen hjá býráðnum og fregnaðust um vegadeildin hevur havt ampa av valplakatum, sum fuku leysta. Nei, sigu Jógvan Johannesen, í veruleikanum hevur ongin ringt til mín um tað.

Á gongutúri í gjár, tá vindurin var uppá tað harðasta um miðdagsleitið, sóu vit fleiri plakatir, sum stóðu tryggar í meldrinum hóast ein hekk og slongdist í einum festi.

Tilráðingin um valplakatir frá Ráðnum fyri Ferðslutrygd er soljóðandi:

Valplakatirnar mugu ikki vera til ampa fyri ferðsluna, órógva útsýnisviðurskiftini á vegnum, ella fjala ferðsluskelti.
 
Valplakatir eiga ikki at verða settar í rundkoyringum og ferðsluoyggjum.
 
Heingið ikki valplakatir á steyrar við ferðsluskeltum, ella aðrari góðkendari ferðslumerking.
 
Valplakatir kunnu heingjast á lyktasteyrar, ella annan útbúnað, sum er gjørdur til endamálið.
 
Heingið valplakatirnar minst 2,3 m yvir gongu- ella súkklubreyt og minst 0,5m frá vegjaðara.
 
Festið plakatirnar forsvarliga á vegurdyggar plátur og á ein slíkan hátt, at tær ikki gera skaða á lyktasteyrar, garðar o.a.

Gott er at hava tilráðingina í huga nú helst fleiri valplakatir verða hongdar upp. Hetta er tíðin tá ilt er at spáa um veðrið og um vit ikki eru fyrivarðin, so kunnu vit skjótt vera um ein háls. - Valplakatir hoyra líkasum til eitt løgtingsval. Gott val!

Lýsing
Seinastu tíðindini
Ferðalag úr Lettlandi vitjaði Klaksvíkar…
Stangavegu­rin letur upp aftur
Kollafjarðar­tunnilin stongdur eina løtu
Vitlíki sum virkisstuðul í fíggjardeildu…
Leiðarin á Skálagarði frítstillað
Atlantis: Konsert við Jens Marna Hansen…
Megna Føroyar at vinna á Íslandi á heima…
Stuðuls­konsert, eydnuhjól og café
TARIRA enn eina frálíka konsert í Varpin…
Norð­oyastevnuteitið farið á flog
Tjóðlaða­rin úr Fuglafirði
Absalon Matras 80 ár
Mjølnir kvinnur umboða Føroyar
Juvel farin á trúboðaraferð til Grønland…
Lands­stýrið forðar fyri innovatión innan…
Skal samstarv millum almennar stovnar av…
Vinnulívs­fólk og eldsálir bygdu okkara l…
KÍ hongur í Víkingi og HB
Eg havi lært ongantíð at geva upp
Stóra tøkk til tykkum, sum hava latið MR…