Lýsing
Lýsing
Lýsing

Týski Skálaberg nýbygdur við Stórukai

SKRIVAÐ: Jákup Andreasen  |  22.01.2023 - 12:40 Mentan Tíðindi

Myndin er tikin um árskiftið 1956-1957, tí Skálaberg liggur við signalfløggunum við Stórukai, og tað verður flaggað fyri honum á kaiini. Hann var bygdur í Bremerhaven í Týsklandi.

 

Í forgrundini síggjast gomlu húsini hjá Olaf á Stongunum og Polarfarið, sum liggur við eina av Stengarbrúgvunum. Eisini sæst ein av gomlu fergunum koma tvørtur um vánna. Sjálvt um eg bara havi verið um eitt ára gamal um hesa tíðina, so var tað ikki so nógv broytt á Stongunum, tað fyrsta eg minnist. Tó vóru nakrar brúgvar komnar afturat.

Um henda nýggja Skálaberg skrivar J. Símun Hansen m.a. soleiðis í "Havið og vit" 1. bind: "Fimm ár eftir at fyrsti trolarin, Skálaberg, var seldur sum gamalt jarn, fekk hann ein navna. Nýggi Skálaberg kom á Klaksvík 22. desember 1956, og var eins og Sjúðarberg alment móttikin. Hetta far var tá flaggskip í føroyska fiskiflotanum, eitt stásiligt skip, ikki bert mált við føroyskum máti, men sjálvt tær fremstu fiskitjóðir áttu ikki tá betri far ella betur útgjørd við tíðarhóskandi greiðum".

Eg minnist meg einaferð at hava verið við til at koyra proviant umborð á henda Skálaberg. Tað hevur verið um 1970, og helst hevur hetta verið ein tann seinasti ella seinasti túrurin hjá skipinum.

Jóhan Purkhús, sáli tók myndina.

Lýsing
Seinastu tíðindini
Veðrið í vikuni
Stjørnan á veg norður úr Vági við tveimu…
Tí hevur HB meldað avboð til Klaksvíkska…
Tríggir dagar við friði og ongari telefo…
Ein eyðkendur viðingur við Garðavegin
U10 hjá Team Klaksvík er í steypafinalun…
KÍ og Víkingur, kvinnur, í venjingardyst…
Teir fiskaðu væl í nátt
Størst avreiðingarvirði í bólki 4T í 202…
Myndir í trúnni
Úr bakskuti í framskut
Vitjan av lands­stýris­manninum
KÍ vann á Eiði
9 nýggir lærlingar í Articon
Føroysk framleiðsla í 135 ár
Luc Kassi fær sáttmála við KÍ
Veðrið um vikuskiftið
Heilsufótbóltur aftur á skrá
Hevur tú fingið spurnarblað?
Ert tú ”gudiligur”