Lýsing
Lýsing
Lýsing

Ingi og Danny á OY Voxbotn 2023

SKRIVAÐ: Tíðindaskriv  |  07.06.2023 - 05:53 Tíðindaskriv

Hetta verður ein syngið við løta av teimum heilt góðu, tá hesir báðir fara á pall, mitt í býnum í Havn. 

 

 

Tað munnu vera fáir føroyingar, ið ikki kenna til okkurt lag, annar av teimum hevur gjørt, tí seinastu árini hava teir ferð eftir ferð givið út landaplágur, ið hava ríkað okkum um løtur.

 

Vit kenna løgini Hevur hon Lovað, Sunnukvøld í mai, Tann Fittasta, Allright, Kostbar, Einki við at venda við, Tá ið eg síggi teg.... og ein kundi blivið við.

 

Vágbingurin Ingi Poulsen hevur við sínum fangandi sangum og eyðkendu suðuroyarrødd sungið seg út millum føroyingar. Ferð eftir ferð eru sangir hansara vornir fólkaogn og hevur hann megnað at fangað bæði tey smáu og tey eldru, við festliga tónleiki sínum.

 

Danny gjørdist kendur frá Danny and The Veetos og hava teir gjørt risahittið ‘Sunnukvøld í Mai’, sum veruliga gjørdu teir landskendar. Eftir hetta kom sangurin ‘Allright’, ið eisini gjørdist stórur, helst í millum yngra ættarliðið. Flestu føroyingar kenna hesi løgini og verður tað helst ein breiður skari av fólki til konsertina, mitt í býnum í Havn.

 

Saman, eru teir ein samantvinning av gleði og gleim og megna teir altíð, at fáa áskoðarafjøldina at syngja við.  Tað verður uttan iva ein góð løta, tá Ingi og Danny trína á pall á OY Voxbotn vikuskiftið 23. og 24. juni 2023.

 

Frammanundan er greitt, at Nathan Evans, Topgunn, Katrina frá Katrina & The Waves, RSP Faustix, Marius, Lamin, Artigeardit, Maggie Reilly, Eyðun og Terji,  Lena Anderssen, Saveus, Superloader, Fríði Sigmundsson, Reiley og Herborg Torkilsdóttir koma á OY Voxbotn 2023.

 

OY Voxbotn 2023 verður størri enn nakrantíð og í heili 2 dagar.

 


Forsøluprísurin til OY Voxbotn er kr. 995,- og atgongumerki fáast hjá Effo kring landið, Kunningarstovuni í Steinatúni og á www.ebillett.fo,

 

OY Voxbotn 2023 í samstarvi við SMS, Atlantic Airways, OY, BankNordik, Posta, eta, Burger King, effo, Coca Cola og Nema

Les meira á www.voxbotn.fo

 

Lýsing
Seinastu tíðindini
Herman Lindberg er farin, men ómetaliga…
Skúgvurin frá Einar´s Distillery - 5 ára…
Ólavsøkan byrjar í SMS
Ókeypis Familju­krókur hjá Føroya Pro Vit…
Stórfingin 20 ára jubileums­konsert
Ímóti Bodø/­Glimt vendu vit 0-3 til greið…
Havnarvág í 1874
Tríggir nýggir leikarar undir Mýruhjalla
Íslendsk skip velja MEST
Talvdystur á ólavsøku
Hornorkestrið á Skúlatrøð
Til minnist um Hugo Thomsen
Strandferðslan setir nú bíleggingar­skipa…
Fólka­flokku­rin hevur opið hús ólavsøkuaf…
Hans Pauli Olsen, Marius Olsen og Hjørdi…
Nógvir fjepparar í Malmø
Úr vøggu í grøv
Sangfagnaðarløta í Ebenezer
Minningarorð um Eivind Weyhe
Hann hevur lagt seinasta countrylagið á