Fitt av fyrireikingum eru neyðugar áðrenn stórfingna gávan, sum vinnulívsfyritøkur í landnyrðingsføroyum hava latið Klaksvíkar Sjúkrahúsi, kann takast í nýtslu. 

Elsebeth M. Gunnleygsdóttur hevur spurt landsstýriskvinnuna í heilsumálum hvat blívur av skannarinum. Margit Stóra hevur nú svarað og sigur at tað gongur rúm tíð áðrenn skannarin kann takast í nýtslut og eru tað fleiri orsøkir til tess. 

Fyrst skal málið í løgtingið at finna nakað av fígging, tí skannarin hevur nakað av útreiðslum við sær. Hølini á Klaksvíkar Sjúkrahúsið eru væl egnaði, men skulu dagførast. Síðani skal skannarin eisini bíleggjast og gerast klárur.

So um alt gongur eftir ætlan kunnu vit vænta at skannarin verður klárur at taka í nýtslu á sumri 2024

Sí svarið frá landsstýriskvinnuni til Elsebeth M. Gunnleygsdóttur her.