Arvafíggindarnir bresta saman í Gundadali til helst týdningarmiklasta dystin í landskappingini higartil í ár.

Tað sá alt avgjørt út fyrr í ár, men tá KÍ so byrjaði at spæla seg langt í altjóða kappingunum, so byrjaði hetta álvara at ganga útyvir landskappingina og KÍ var bara sekund frá at seta stig til triðja dystin á rað undan landsliðssteðginum. Munurin millum KÍ og HB er minkaður við fimm stigum eftir summarsteðgin og í morgin kann tann munurin minka við átta stigum, og tá verður FM-stríðið púra opið, serliga tí KÍ hevur eina skrá restina av kappingini, har dystur er 3. ella 4. hvønn dag.

HB liggur á 3. plássi undan dystinum, men hevur ein dyst færri enn B36 og vinnur HB, so verður HB bara tvey stig aftanfyri KÍ við einum dysti fleiri. Hinvegin kann KÍ við sigri leggja sjógv millum seg og HB, og tá verður trupult hjá nøkrum at fanga KÍ, hóast B36 tá kann hava ein møguleika.

Dysturin í Gundadali í morgin byrjar kl. 18.00.