Táttur um Varpið
Ávísur orðadráttur hevur staðist av einum tiltaki í Varpinum, tá Klaksvíkar Kommuna í vikuni var vertur fyri einum døgurða í mentanarhúsinum, fyri útlendskum vinnuferðavinnu-umboðum. Ein býráðslimur helt tað verða vánaligt, at Mentanarhúsið ikki bjóðaði inn til eitt opið alment tiltak fyrst, meðan borgarstjórin vardi avgerðina, tí hetta kundi verða við til at promovera mentanarhúsið og norðuroyggjar sum heild uttanlands. Talan var um eitt einstakt tiltak, fyri einum avmarkaðum bólki av fólki.
Á teimum í Mentanarhúsinum skiltu vit, at Varpið formliga er eitt arbeiðspláss, og at tey tí ikki hava fingið endaligt brúksloyvi frá myndugleikunum, til at halda nakað stórt alment tiltak. Hetta, siga tey, verður fyrireikað í løtuni. Tá húsið er endaliga avhandað, og trygdin er góðkend til størri almenn tiltøk, kunnu vit øll sleppa inn at uppliva nýggja stásiliga mentanarhúsið. Sum vit skiltu tað, verður hetta heilt skjótt, helst um miðjan oktobur.
Hvussu er og ikki, so er longu komin ein táttur burturúr orðadráttinum. Seint í gjárkvøldið kom hendan skemtiliga yrkingin við telduposti, sum leirvíkingur við tokka til Klaksvíkina hevur latið úr hondum.
Ein partur av Klaksvíkar Manskóri settu sær fyri at royna hann, í Varpinum sjálvandi. Og teir vórðu væl stuðlaðir av kendu vísusangarunum Hans Hjalta Skaale og Hóraldi Joensen.