Stjørnan tók í dag ímóti Neistanum. Eftir hálvleiksstøðuna 16-10, gjørdist endaliga úrslitið 29-24 til Neistan. Høvdu stjørnuleikararnir verið meira narlagdir í avgerandi støðum, kundi úrslitið heilst víst verið ørvísi. Høvdu tær skorað upp helvtina av upplagdum misnýttum málmøguleikum, ivast vit ikki í, at tær kundu havt vunnið dystin, men tað eru málini sum telja. Tað tikist sum leikararnir geva sær ikki stundir at hyggja eftir málverjanum, áðrenn skotið verður. Hetta er avgjørt nakað arbeiðast kann við.                          

Neistakvinnurinar skulu um eina viku leika europacup dystir, og tað sást, at tær, sum fyrireiking til europacup luttøkuna hava, helst hava vænt longri enn hini liðini. Serlig álopsspælið hjá teimum gekk væl, og tær fluttur seg meira fyri hvørjari, enn stjørnuleikarnir gjørdi.                                                                                            

Annars skal viðmerkjast, at bæði verju- og álopsspælið hjá Stjørnuni var betur enn í dystinum í móti VB seinasta vikiskifti. Serliga Vanlentina Landri  og Sonja S. á Berge vóru meira eyðsýndar. Stjørnan hevur tveir góðar langskjúttar við Duritu L. Johansen og Savica Mrkikj. Hesar báðar eigur liðið at kunna fáa meira burturúr, við meira flytingum og uppspæli.

Málini hjá Stjørnuni skutu: Sonja S. á Bergi 6, Valentina Landri 5, Savica Mrkikj 5, Jancy H. Poulsen 4, Durita L. Johansen 2, Anna Jacobsen 1, og Joan Sørensen 1.