Við sær hevði hann serliga gávu, sum var ætlað Árna. Onnur gávan var ein teknað mynd av fótbóltsúrmælinginum, meðan hin gávan var ein mynd av Árna og eisini allari familjuni. Á tí seinnu myndini var eisini ein heilsan og undirskrift frá Slovakiska fótbóltsambandinum.

Árni hevur gjørt seg og Klaksvík merktan um allan heimin, og tað var júst hetta, ið hevði fingið umboð fyri fótbóltsambandið at heiðra leikaranum á ein serligan hátt.

Umboðið fyri fótbóltsambandið segði millum annað, at søgan um KÍ hevur hugtikið allan heimin, og tí vildu tey heiðra spælaran, sum hevur skorað flest mál í undankappingini í Champions Leauge. Úrslitini hjá KÍ hava verið framúr góð, og tað er ein sólskinssøga fyri fótbóltin, helt hann fyri.

Eisini fekk fótbóltsambandið undirskriftina hjá Árna Fredriksberg á nøkur kort.