Stjørnan og EB sunnudagin kl. 13.30
Sunnudagin fær Stjørnan vitjan av EB, og byrjar dysturin kl. 13.30. Hetta kemst av, at kl. 15.00 spæla KÍ og ÍF.
Lagt er upp til ein áhugaverdan hondbóltsdyst. EB-kvunnurnar hava ment seg nógv, síðani tær fluttu uppí bestu deildina. Fyri 14 døgum síðani vunnu tær við einum máli á H71, men fyri viku síðani bleiv tað tó til stórtap ímóti Neistanum.
Seinasta kappingarár vann Stjørnan dystirnar ímóti EB, men munurin var ikki so stórur, so vit vanta ein spenndandi og undirhaldandi dyst í morgin.
Sum nevnt, so verður dysturin bríkslaður í gongd kl. 13.30, so tað er upplagt at fara í KÍ-høllina at stuðla stjørnukvinnunum, og síðani til fótbóltsdyst millum KÍ og ÍF.