Mjølnir spæla móti Numidia VC Limax Linne úr Hollandi í kvøld kl. 19 føroyska tíð.

Seinasta mikudag leiktu liðini fyrra dystin í Klaksvík í undanumfarinum í CEV Volleyball Challenge Cup 2024. Mjølnir løgdu út við at vinna fyrsta settið og taptu síðani næsta settið tepurt. Triða og fjórða settið taptu Mjølnir eisini og tað sást at liðið ikki hevði eins góða breidd og mótstøðuliðið. 

Í gjár vandu Mjølnir í snotuligu høllini hjá Volleybalclub Greenyard Maaseik í Belgia.

Teir venja eisini fyrrapartin í dag og tað gera teir í býnum Maaseik í Belgia, hetta tí at høllin hjá Limax í Hollandi ikki er góðkend til altjóða dystir. 

Dysturin byrjar kl 19 føroyska tíð og Norðlýsið fer ætlandi at stroyma frá dystinum.