Ættin fer heldur ikki at broytast nógv næstu 4 dagarnar – fer at liggja av útsynningi fyri tað mesta, tí onkur løta sunnan ella vestan. Fríggjakvøldið gongur hann upp í útnyrðing, og í vikuskiftinum og frameftir høgætt við kavaavfalli. Soleiðis sær tað út í kvøld, men enn er ein lítil vika eftir til ta tíð, so vit fáa at síggja.  

Veðrið næstu 5 dagarnar – dag fyri dag:

Mánadag: Lot til frískt lot sunnan, 3 til 8 m/s, samdrigið og yvirhøvur turt. Um kvøldið gongur ættin upp í útsynning. Hitin mánadagin 3 til 8 stig.  

Týsdag: Lot til frískt lot av útsynningi, 3 til 8 m/s, samdrigið og yvirhøur turt. Um kvøldið minkar vindurin niður í eitt lítið lot, minni enn 5 m/s. Hitin týsdagin 3 til 7 stig.

Mikudag: Lítið lot av útsynningi, minni enn 5 m/s, skýggjað og yvirhøvur turt. Um kvøldið fer ættin upp í vestan. Hitin mikudagin 1 til 6 stig.    

Hósdagin: Lot til frískt lot av útsynningi, 3 til 8 m/s, samdrigið og yvirhøvur turt. Um kvøldið veksur vindurin upp í eitt frískt lot til frískan vind, 5 til 10 m/s. Hitin hósdagin 1 til 7 stig.

Fríggjadagin: Frískur vindur upp í ein strúk av útsynningi, 8 til 13 m/s, samdrigið og okkurt ælið. Eitt skiftið seint fyrrapartin og út á seinnapartin regnar. Út á seinnapartin slítur í, ættin støkkur upp í útnyrðing, og vindurin minkar niður í 5 til 10 m/s. Hitin fríggjadagin 4 til 9 stig.