Talan er um eitt spennandi og vísjónt hotel, sum hyggur fram í tíð og sigst eisini at hava munandi arkitektoniskar dygdir.

Bygningurin tekur rættiliga støði í staðsetingini, sum borið á lógvum mitt í býnum – út móti vágni mitt millum høgu og flottu fjøllini her, har høvuðsútsýnið er út eftir vágni, við sjónum skvatlandi inn móti kjallaravegginum.

Vísir høgættin tenn, so merkist og sæst tað eisini í matstovuni ella kamarinum norðureftir, sum kann hugtaka ein fremmandan gest.

Tað er Kanjon, sum hevur høvuðsarbeiðstøkuna, meðan Ósbjørn Jacobsen frá Henning, Larsen Arkitektum sniðgevur.

Í hesi løtu verða stórir partar av fundamentunum stoypt, sum liggja um kotu 0. Verður tíðarætlanin fylgd, so ganga ikki nógv meir enn tvey ár til snórurin verður kliptur, og eymhettan í køkinum verðu tendrað.

Hotellið, sum hevur 4 stjørnur, bjóðar 83 rúmlig kømur, matstovan tekur um 50-60 fólk, ímeðan veitsluhøllin tekur umleið 300 fólk sitandi til borðs. Harumframt eru tvey minni fundarhølir. 

Eisini er eitt vælveruøki í tveimum hæddum við potti, baðstovu, massagu, vm. Tað verður eftir ætlan Gist & Vist, sum skal reka hotellið. 

Samlaði byggikostnaðurin er mettur til umleið kr. 150 milliónir, tá ið klárt er at taka hotellið í nýtslu, sigur Jan Petersen leiðari av verkætlanini.

Fyrstu gestirnir skulu flyta inn í desember 2025, leggur Jan Petersen afturat.

Hotellið saman við Varpinum og øllum hinum bygningunum í miðbýnum - eisini teir, sum enn liggja í stoypiskeiðini, kemur rættiliga at lyfta Klaksvík fram í tíð!

Tað er eingin ivi um, at Hotellið og m.a. Varpið koma at gagnnýta hvønn annan væl, eins og so nógv onnur virki og einstaklingar í býnum.